حمام يا محبوب وتحمـل مزيـه
حمل الرسايل عادةٍ لـك تحليـك
ودي معك أبعـث رسالـه نقيـه
إلى حبيب القلب طابت مساريـك
طالبك تحمل لي معك لـه هديـه
حث المطير وعجـل الله يخليـك
لا جيـت داره بالبـلاد العـذيـه
وقع وغرد نبهـه عـن مساعيـك
بيقول لك يا طير وش معـك ليـه
إرم الرساله قـدم عينـه يحييـك
في لحظه تلاقيـه فـك الوصيـه
وعلى لسانه يذكر اللي له ادعيـك
يقرا عليك ارسالتي ويـش هيـه
يقول لك اسمع مضامينهـا هيـك
سلام منـي يـا العزيـز وتحيـه
ياللي الى هالحين يا روحي اغليك
مع السـلام اهديـك ورده شذيـه
تفوح منها ريحة العطـر تحييـك
طمني عن حالك وويش القضيـه
نسيتني يا زين يا عل مـا ابكيـك
رغم اني اعانـي بعـادك خفيَّـه
ما زال لك داخل ضميري مفاليك
عبدالله الشويمان ..
صح الساااانك ولاهنت ...
رااائعه جداً ..
تحيتي لك / مشاعر حالمه ..