ياوجد حالي ويابريه وياغله = من واحدٍ شوفتي له صارت اصعيبه
من بعد مانا معاه اثنين في حله = شتت شعبنا غراب البين واصحيبه
لاجيت بوصله حالت دونه الشله = ناس حقوده تنف الخير باشعيبه
ومشيره اللي تروع منه الطله = دايم على الشر يلحق له مشاهيبه
من بعد ماهو يقهويني من الدله = والزين من كل مطعومه يجيني به
غيراطبوعه علي واظهر شبا السله = ماعاد حتى سمعنا منه ترحيبه
القلب غير الغضي ماهو بشفٍ له = لو تكثِر اللوم عذالي وتمشي به
والعين من بعد خلي دمعها تهله = واخفي من الناس حزني لا تهذري به
من شافني قال مِنك الحال معتله = وش فيك ياخوك عسى مابه امصيبه
مايدري اني مريض وصابني خلَه = وادواي عند الغضي ماحسن تطابيبه
واعيني اللي على خطه وفطنن له = وان مر زوله عرفته ثم اهلي به
ان شفت غيره فكن العين محوله = لو يظهر الزين كله مع تعاجيبه
يالله عسى واحدٍ ما يحزن العله = حزنه لحزني سواه اصغير او شيبه
واللي سواتي عسى ربي يسهل له = ويعيضه الله بجمعى عند اصاحيبه
ويالله طلبتك ترده صوبنا كله = معي قل امين ياقاري تراتيبه