انا ما شاقنـي ياكـود ريـم مشيتـه بركـود
يهمز الارض من تحته يخـاف انّـه يوطّيهـا
لمحته كالسحاب اللي تهادى مـا اثـار رعـود
يبـي البـرّاق مايفطـن ولا وجهتـه يدريهـا
مثل ريح الصبا لا هبّ حرّك في الغصن عنقود
معـه عنقـود قلبـي يامـلا ميّـل نواحيهـا
جمال ما خلق مثله ولا هـو هالزمـن موجـود
ولو لفّيـت كـل الأرض ادور مـن يجاريهـا
بليّا شعور تابعته اطالع في الرمـوش السـود
سهـم أوّل وصوبنـي ويعلـن عـن تحدّيهـا
سهم ثاني طعن قلبي ومن خلفه اشوف حشـود
سهـم ثالـث وانـا لاحـي لاميّـت اناديهـا
قتلتيني .. وقتل العمد حكمه في الشرع بالقـود
ولكنـي انـا بعفـو اذا روحــي تواريـهـا
ابيهاتدفن بقلبـك لهـا بيـن الضلـوع لحـود
لعل النبض مـن دفئـه مـع الايـام يحييهـا
عطتني نظرةٍ منها فهمت القصـد والمقصـود
واذا خلفـي وحـوشٍ كلهـا بالشـر تنويهـا
وعيونٍ شاخصه ترجف وتخشى يومها الموعود
تبسـم للوحـوش فخوفهـا بالـدرب يعميهـا
نظرت لها ولا دمعه تترجـم حظهـا المقـرود
تبي الفزعه ولكن ما لقت مـن قـال يحميهـا
تناوشها الوحوش وتفترسها والعيـون شهـود
تبارك ما حصل في السـر والأسـرار تخفيهـا
وفار الدم في راسي ابنخـى حرفـي المعهـود
لقيت الحرف في سجنـه ولا يقـدر يواسيهـا
لتبقى دوم في قلبي احـس انـه ربـط بقيـود
بسحر الزين مـن حوريّـة كـل الحـلا فيهـا
الا يالله ترحمهـا وترحـم حرفـي الـمـؤود
وترحـم حالـة امثالـي وتكفيـنـا تواليـهـا
شاعر العثمانيات
قصيده رااااااااااااااائعة
تحمل معاني كلها ذوووووووووووووووق
سجل اعجابي