[الطائر المهاجر]

لقيت ان المره لغزٍ وراها اسرار مخفيّه = ومهما كان من فهمي اعوّد دوم بافلاسي
نعومتها وعواطفها ودمعه دوم مرهيّه= تحكّم بالرجل لو كان قلبه دايم قاسي
هدفها كيف تتملك بشتى الطرق والهيّه = بحب وعطف واولاد ولا في يوم تحتاسي
واذا من وصلت الغايه بدت بافعالها حيّه= مع اللدغات تنكيد على الرجال باتعاسي
تبيه خريّف يمشي وراها دون رديّه= وتبيه جدار ما يسمع ولا ينظر باحساسي
تصير الآمر ببيته تصرف به بحريّه= تعدى الحد تسترجل بلا عيبٍ ولا باسي
وسيعة وجه قدام الرجال بروحه وجيه= تحسب السن والبرقع بتحميها من الناسي
وتصبح مطمع للي خبيث وسيئ النيه= ولو هي طاهره فالشك يرقى عند الانجاسي
مثل هذي تبي توجيه بحزم وكل جديّه = لعل بيوم تتعدل وتمشي الدرب بقياسي
والاّ تركها اخيّر مادامت جاهله عيّه = فلا من خير في مسترجله للشر مقباسي