[ابو أنس]

في عقولنا فجوه وخلوه وتعشيش=وداء التقزّم مالي(ن) كل الاحراش
صرنا نخاف انه يقال اننا جيش=صارم ومن ينقد يلاقيه رشاش
ثم انبطحنا نقبل بكل تلطيش=يغمط حقايق ثم يطلع بمنقاش
من خوفنا انّا نصير الدراويش=نقبل ونمدح لو يجي هرج حشّاش
حتى غدينا بالتمدن دناديش=قرقيشت(ن) تعزف لحن كل غشّاش
كلب النصارى قال الإسلام تطفيش=هذاك رايي واقبلوابه يالاوباش
قالوا وذي حرية الفكر حتّيش=لوقال ما قاله فلا بد نعتاش
واليوم جانا من ضنانا تخاميش=ياحيف الى منّ الولد صار خمّاش
الكاهن الدجّال عنده تلاطيش=من الحقايق زادها كذب بخياش
من صدّق الكاهن ترا الحبل من ريش=ومن قال ريش(ن) يعقد حبال فقّاش