اذا ودك تعرف اللي بسدي = فجاوبني ولا تخفي الحقيقه
فانا ما ازعل ولو هي جات ضدي= اشيل الحمل لو مقدر اطيقه
صحيح إني اودك دون قصدي = واحسك داخلي غير الخليقه
اذا من غبت ادري بك بجدّي = واذا من جيت ادري بك بضيقه
اودك واشعر إنه ضاع جهدي= سرابك صار يخدعني بريقه
فلاني فاهمك باخذٍ وردي = فشكل الورد ما ينبي رحيقه
يضيع الفكر في جزرٍ ومدي = اجدف لكن بحورك عميقه
احسك طفل قد يحتاج شدي= واحس إني طفل ضيع طريقه
واذا من انتبه واصحى لرشدي=اشوفك كالفراشات الطليقه
تروح النار عن قصدٍ وعمدي = بلا تقدير لاخطار الحريقه
احاول ثنيها وتزيد عندي = وتطفيني بكلمات رقيقه
وتمشي دربها باقوى تحدي = تغير شكلها وسط الحديقه
وتلسعني اذا ضاقت بيدي = تقول الدرب وانته من يعيقه
ونا لازلت من ايام جدي = على درب الصراحه بالسليقه
ولكن اعتقد جاوزت حدي = فرب البيت من يهدي الخليقه