[عبدالله السويلم]

السلام عليكم
هذا رد على قصيدة لبن شلحاط
يدعي على الرياض
ويستنكر سكوت الحكومات بزعمه على مايصير في سوريا
فرديت بهذه الابيات المتواضعه
وامل ان تنال استحسانكم

جاك ابن شلحاط يومي صايدٍ له فرخ حيه=مادرا ان الحيه اللي جابها فيها الوفاتي
يحسب انه جاب راس غليص من وسط السريه=اويحسب انه ذبح زيد الهلالي والزناتي
صار مثل مقيط يوم انه نزل وسط الهبيه=نزلتن ماوفقت مادونها ودون المماتي
السياسه ياولد شلحاط ماهي بالحميه= تحسب ان الحرب توخذ بالحصاة وبالعصاتي
ليه تدعي للرياض تصير مثل المهمهيه=ناسين ابها عبادٍ مايخلون الصلاتي
ماتخاف الله تخطيهم بلا ذنب وخطيه=تحسب انه ماحدٍ مثلك يعرف الموجباتي
والنعم في كل حكام الجزيره بالسويه=لاتوصيهم يعرفون السنع ببلا وصاتي
حاكمينٍ بالكتاب المنزل وسنة نبيه=وامرينن بالصلاة وبالصيام وبالزكاتي
مارجبت العيد عيدين الفطر هو والضحيه=وش بقا حتى تجيبه فالسنين المقبلاتي