الرجال رجال تعرف بالمواقف=والنساء مثل الضبا وقت الطلابه
والرجال اصناف من قاعد وواقف=والنساء يعشقن من فيه النجابه
بعضهم للهدم واما البعض ساقف=والنساء فيهن من الطبع التشابه
الرجال جمال بشدوقن تلاقف =والنساء يشبهن نوق بوسط غابه
الرجل يبدي وبالوقفات ياقف=مايقفي وقت ضيق الا الزلابه
اللذي وقت المواجه ياتراقف=خير له يلبس مع العالم حجابه
صنف فيه الطيب والا صنف حاقف=نضرته بالعين حوله مايجابه
فيه راعي الجود لاهل البخل ناقف=وفيه حصني لف ذيله مع غرابه
وفيه متلقي من ابليس اللواقف=ثم يمشي فالطريق اعمى وسابه
وفيه راعي عقل واللي عقل زاقف=وفيه راعي الصمت واصحاب الخطابه
وخير من هذا وهذا فالسواقف = صاحب الدين التقي واكرم جنابه
صانع المعروف يوم الوقت لاقف=وقت به زاد الجشع والبخل نابه
الغلاء لازاد تلقى الرزق واقف=كل تاجر بالجشع يلقى حسابه