https://www.youtube.com/watch?v=gmBJh4zTLa4
على جسر الأمل امشي وتركض باقي أيامي = ابلحق ما بقى بالعمر قبل ما تسري القمـرا
سريت بليل ما أدري به ظلامه بـدّد أحلامي = احسب الوقت يصفى لي ولكن قال لا تحرا
تآمر حظـي المقرود مع الأيـام والآمي = وتاهت خطوتي بالدرب لا تدري ولا تُـدرا
ابركض ما تساعدني ، أبمشي طاحت اقدامي = ادوّر من يعاضّدني بليـلٍ طـال لا فجرا
مشى حزني يخاويني جروح الوقت قـدّامي = وثاريهـا تلاحظني وتدري حالتي تزرا
أجرّ الصوت ما تسمع نزف حرفي والهامي = تحاصرني جيوش الياس بكل القهر والمرّا
غديت اصرخ وهي تنظر ولا تنشد عن اسقامي = نست حبي واخلاصي وش اللي صار يا سمرا ؟
أحس إنك جرحتيني نقضتي جرحي الـدامي = رميتيني بسهم الصد وأحـرق باقي الـذكرا
مشيت البحر اشكي له ابي نصحي وافهامي= لقيته منشغل عني ما بين المد والجزرا
خذاني الموج حطمني نوى قهري وارغامي= يبيني امشي مع التيّار لو مبداي كالصخرا
رماني بعيد مايرحم اواجه حقل الالغامي= حوالي قصر وسط البحر مطار الجرم والعهرا
طيـايير وصواريخٍ تعـدّت كل الارقـامي = حقيقة أمرها مخزي إذا هي تنوي البصرا
تسلل ريشي المنتوف وجاوز صعب الأصنامي= وصاحت صافرة إنذار هجومٍ جاء من الصحرا
بدا التفتيش في سرعة وأنا اربط حولي حزامي= بجوف الطايرة مسبط وهم عميان أو سكرا
وطارت بي ولادري وين تاخذني مع اخصامي= اطالع تحت اشوفك زين وسط الكون كالدرا
نزلنا بديرةٍ خضرا ، تسمى أرض الأحلامي= وهي ساس الخراب بهالزمن في البر والبحرا
بقصر ابيض يعزف الشر في انغام الاجرامي = وحصاني كل هالعالم جمعهم حصني المكرا
وحاخامٌ توسطهم ونجمة ريقهـا ظامي= وأطفال العرب تذبح قرابينٍ إلى عزرا
لها يسجد جميع الحفل من غربٍ وأعجامي= ثعالب ماكرة ترقص ويكشف سكرها السترا
وبين الحين والآخر يصلني همس الازلامي= يبون الدين والثروة ، عطاشا دم لا نصرا
تعبت مشاهد الحفلة وخفت اطلع عن لجامي= خرجت بدمي الفاير وطرت بعيد في الغبرا
وصلت لارض معزولة جزيرة أهلها نيامي= وفيها احواش مشبوكة فقلت اشوف مالأمرا
لقيت صقور مذبوحه حلالٍ ذبحها إسلامي = تطالعني وطالعها ، تقاوم وانتهى الصبرا
وخنزيرٍ يتابعني طردني ، قال إعلامي= قدرت أقرا حروف الصمت لا تنسون هالأسرا
رجعت وما قدرت أصبر فحبك مصدر الهامي= فلعيونك تموت صقور ما تخشى من النحرا
ولعيونك نشيد الحب من أفواه الإيتامي =وطيرٍ دوم تغريده ، أحبك بس ياسمرا
مهما كان من طبعك فحبك حب الزامي= أبي شوفك وذا يكفي فأنتي مصدر الفخرا