انا في ديرةٍ واهلي بديره= وكل منا غريبٍ في دياره
ولو ماني غريب بوسط جيره= من عيالٍ كبار بكل حاره
احس بغربتي ياهي كبيره = فكلٍ منشغل يرعى صغاره
يجيني الليل وعيوني سهيره= مع همومٍ تسابق للصداره
على ذولا وذولا بكل حيره = شقى الوالد ولا هو باختياره
بوقتٍ ما تنبأ عن مصيره = وما يخفيه بالليل ونهاره
تخاف من القدر لحظه قصيره = اذا منّه ضرب فجأه بناره
الا يالله علاّم السريره = تجمع شمل من عيشه مراره