تذكرت والذكرى على القلب مثل النار=حنيني على ما فات بالحيل متعبني
لي افزع بشيل القاف والطيالات اقصار=ابرٌد بها شيٍ بجوفي مذوبني
لك الله لو يدري عذولي عن اللي صار=هكالحين ماوالله بعمره يانبني
بدارٍ سقاها الغيث ياحي ذيك الدار=ربيع الشباب ونشوة العشق تغلبني
مع اللي ملك قلبي وسيطر على الافكار=معه صك ملكية على موجبه يبني
جميل المحيا لونه ابيض من الجمار=هنوفٍ بسلهامت رموشه مصوبني
قباله قبل وقت الظهيرة غدا وافطار=وهمس الكلام ومنطق العين يطربني
له اخترت من بد الولايف وهو مختار=قناعات تمت معجبن بي ومعجبني
سوالف لعب فيها الدهر واصبحت تذكار=وان اشرح لنفسي بعض الاشيا تكذبني
لو انه حضر ذاك الزمن ولد ابن عمار=على راس اجا بالليل غنى يجاوبني
ولو ابديت في همس القوافي خفا الأسرار=من الوجد ما اعاني وياسن مصاحبني
وبينت تفصيل المعاني لابن منشار=لو اكتب هوس بالمنتدا مايحاسبني
ولي مستشارٍ لو قرأ نشرة الاخبار=على بعض ما احرر لزومٍ يعاتبني
ولكن لو انه شاف منظر بدون اطار=باللبوم ابدد فيه وجدٍ يعذبني
يجي من جبل فاران ماهمه المشوار=ان ارجوك مرة ثانية ورني يابني
وانا مااقدر ارفض له طلب جالسٍ بالدار=لو انه يخبر بي بنيخيه ينكبني