[داعي الشوق]

يا عينى اللى شكت من لهفة اشواقى = تبكى و دايم طوال الليل سهرانه
يا عين عاني العنا في داخل أعماقي = لا تذرفين الدمع و الروح تعبانه
القلب مما جرا متحرّق حراقي = من عقب ما ولعّت بالجوف نيرانه
يا عين روفي على من كان تواقي = ينشد أمل غايبٍ و بعيده أوطانه
الوقت طوّل و انا للزين مشتاقي = طوّل مغيبه ولا ادري وين عنوانه
حبيبى اللي عليه القلب خفاقي = و العين والروح والوجدان شفقانه
حبه بقلبى سكن و القلب شفّـاقي = هو الوحيد الذى ساهر على شانه
احترت وانا انتظر و الفكر ما راقي = أتعبت حالي و نفسي دوم حيرانه
بطوي شراع الهوى والملم أوراقى = وانسى زمانٍ مضى عايشت أحزانه