[الذيب الذيب]

السلام عليكم ورحمة الله وبركاته
تحياتي وتقديري للجميع
ومع هذه المشاركة التي ارجوا ان تبنال رضاكم

ياليل ياليل الشقا = لـــــــــــيلك علينا مطوله
شمسٍ تغيب و تشرقا = ودموع عيني هاملة
لله يا ناس البقا = والا الـــــــخلايق زايلة
أحدٍ بها الدنيا رقا = وحدٍ يشوف البهذلة
كم من جموعٍ فرقا = بآخر زماني وأوله
اعمار منّا تسرقا = مـــــــــاهي ترا بمكملة
ماكلّ متمني لقا =اللــــــــــي تمنى ياصلة
واللي بنا ظنّ وهقا = يلقى علومٍ صاملة
نمشي على وضح النقا =ما نلتفت للهاملة
واللي يجينا يدرقا = كـــذب ونوايا فاشلة
نركي عليه المطرقا = لين إيتعدل مايله
بالنار حنّا نحرقا =ونشن حربٍ شاملة
كم واحدٍ قبله سقا = مرٍّ وعلقم كاملة
يازين برقٍ يبرقا = من مزنةٍ متحاملة
عسى مياهه تهرقا = ليل ونهارٍ سايلة
تسقي فياض و تشرقا = من عقب ماهي ممحلة
عشبه علاه الزملقا =والوانــــــــــها متداخلة
ريح الخزامى يعبقا = مع كلّ ريحٍ جايلة
كفي عليها يصفقا = واقـــــــــول يالله مجمله
صنع الولي الخالقا = ماله شبيه إيمااثله