[الطائر المهاجر]

كيبورديه عاجله ، ويعلم الله انها كتبت للحق ولا هدف غيره
فكل الزملاء سواءا من فاز او لم يفز عينين في راس ، ولكن
اعتقد ان وراء الأكمه ما ورائها

مهزله لاشفت من عديت شاعر= يشترك في مهزله ماهوب شاعر
في قناواتٍ تلاعب بالمشاعر = همها تربح وهو ضمن التجاره
ومهزله اكثر اذا جات النتيجه = ترْوح بها ريحةٍ من بحر ايجه
تزكم اللي ما انزكم باقصى خليجه = والحجر شطرنج ما يدري مساره
اغروا الشعار تركض للفلوس = وحطوا اللجنه على الفاضي تحوس
وحمّلوها فوق ما تقوى النفوس = لين بان جدار واضح في هياره
فرقوا بين القبايل والشعوب = وجمعوا مالا يعد بلا تعوب
وحركوا ما كان خامد من عيوب = ومن كلا للطعم ظن انّه اثاره
وناقتي ياناقتي خلف الطعوس = اذبحوها وطبخوها للعروس
ما افاد بها التغني في طقوس= ظهرها انحاش منها في نهاره
وفازت اللي هاجرت عبر الحدود= لين وصلت من تلقاها بحشود
مادرى فيها ولكن له قصود = واللغز واضح ولا يبغى شطاره
الخلاصه ما تبي تفكير شاطر = طبخة الرفلا ولو في راس فاطر
فادت اللي ما درى بالجو ماطر = لينه اتزحلق ووقف في الصداره