[الطائر المهاجر]

خـاب الامـل والفكـر لا زال محتـاس = من بعد مـا بـان الجفـا والصـدودي
كنت احسب إنّ الحـبّ للحـبّ حسّـاس = واثري أعيـش بوهـم مالـه حـدودي
ومن حرّ مابي سرت بالحـزن واليـاس =طفـلٍ يتيـمٍ تـاه وســط النـفـودي
صدفه وانا اضرب هاجسي فوق الارماس = طاح النظر فـي عيـن ظبـي شـرودي
حوريّة لا هـي مـن الجـنّ والنـاس = ترسـل عذابـي مـع ورود الخـدودي
قلـت التحيّـة .. ردّت بعقـد الالمـاس = وطيّـر بقايـا العقـل هـرج العنـودي
قالت من انت وقلت انا عالـي السـاس = دمّي بحـرف الضـاد ينبـض وجـودي
قالت تفيخر وانت من خـسّ الاجنـاس = لانتـاب لا امريكـي ولا انتـه يهـودي
روس العرب يا للأسف صابهـا انعـاس = تهـوى التبطّـح دايـمـاً والـرقـودي
لا شكّ راسـك مثلهـا قالـب الطـاس = لا من صحيت اقبـل وهـات الشهـودي
قلت الغلـط خلّيـه محْتـاج هوجـاس = حنّـا نتبطـح لا نويـنـا الأســودي
الحرب خدعه وكل حـرب لهـا البـاس = ولباسنـا بالحـرب بـرقـر وكــودي
قالت تنكّت .. قلت من لاهـب الـواس = لا مـن سمعـت اخبارهـا والركـودي
هـذا حصـان صـاده اليـوم نسنـاس = وهذا رمـى سيفـه وخـان العهـودي
وهـذا يطـارد ذا .. وذا صـار بـلاّس = والكـل دايــخ للحريـقـه وقــودي
من وهجها بـوشٍ نتـف كـل قرنـاس = واوراقنـا المتلخبطـه فـي صـعـودي
اللي براسـه عقـل مخطـر بوسـواس = والرابـح اللـي مـا درى بالوجـودي
يالله تعدّلهـا عـلـى كــل مقـيـاس = والا تميّلـهـا بـبـرق ورعـــودي