السلام عليكم ورحمة الله وبركاته
كان القريحه ماعطتني على الكيف = ابا أتبرا من الشعر والقريحه
حلو النبا يابنت هو حشمة الضيف = لو مايقلط للضيوف الذبيحه
حلو النبا احلا من البن والكيف = بيمنى تسوقه للوجيه الفليحه
اوصيك ياخيه عن الكذب والزيف = مالك علي يابنت غير النصيحه
وحذرا من ألي يكسر العين بالحيف = ماينوكل لحماً على الانف ريحه
يابنت عيشة عف ولا عيشت العيف = العف مثل الورد بفياض شيحه
والعيف ماينزار يمسي به الجيف = ومشين على غير المعاني فضيحه
والحكي خوذي أجزله دون تحريف = ولا تطلعينه للقلوب السفيحه
تجيك ناسن تردف العلم ترديف = تدفن حلا الجوهر وتظهر قبيحه
وحكي القفى اشد من ضربة السيف = ياخذ من أعمالك وذنبه يزيحه
وحذرا الظليمه تنهي الخير والريف = وبالاخره تقبل ظلام بزحيحه
وأن جاك زله من أمور وسواليف = الصد خير عن العلوم الشحيحه
ولاتلحقين الناس لوم وتحاسيف = كلن يشوف النايفات الصريحه
وبالك وبال الهم يكسر مجاديف = مال الهموم ألا القلوب الصحيحه
الي بذكر الله تصعد مشاريف = وتبرى بذكر الله نفوس(ن )جريحه