اهل همس القوافي والله اتشرف ان اكوون
بينكم ومعكم ازداااد شرف واتمنى
ان تقبلووو هالبسيطه بعد الغياااب وارجوووو المعذره على التقصير

ياشيب عيني منك ياصوت اوحيه=جااني على الجوال والجومشحون
صجه ولجه بس ذقت الحلا فيه=له نغمت من سمعها صار مفتون
في نبرته لحنٍ ولا قدر اسميه=يعجز هل النوته ومنهم يغنون
والي يحاااول يقتبس منه اعزييه= اهتز منه القلب وتبعثر شجوون
صوتِ اهلي به ورااعيه احييه=اقلط عسى يفدااك مليار مليون
وياجعل يفدونه هل الزين وافديه=وعلى النقاء مهتم بالي يعذلون
اسوق فنجاال الغلا له واثنيه= واهل العلوم الغاانمه مايمنون
يعطوون بامر الله وانا دايم ادعيه=ونيااتهم زينه ولاهم يحسدوون
والعهد لامني قطعته اوفيه= اعااهدك بالله وللعهد ماخون
والي نبض بين المحااني لك اهديه=قلب ملاه الشوق ماهوب مسكون
والي شرى قربي انا والله اشريه= حتى ولو كان الثمن مني عيون
وبين الرموش عن الهبايب اخبيه=والروح ترخص له وانا اكون ممنون
وبصادق الاحساس مني باهنيه=واقول طاب الوقت يادر مكنون
واهيجن من الشعر قاافن واغنيه =حتى ولو الجووو صجه ومشحون