في وفاة الملك فهد رحمه الله
الشمس غابت وابتدا ليل الاحزان = بعيون شعبٍ مؤمنٍ بالمنيّه
على فراق اللي بنى عزّ الاوطان = وشاد الحضاره بالعزوم القويّه
ليث الجزيره من رفع عال الاركان= واعطى بلادي مجدها والهويّه
الفهد باني المجد ياعز إنسان= على قلوبٍ تعرفه بالحميّه
مصاب شعبك لو وزن بالف ميزان= صعبٍ يقدر في القلوب النديه
عطيت شعب المملكة امن وامان= وعطيتهم علمٍ وسمعه نقيّه
ورفعت اسم المملكة وين ماكان= دولة عظيمة في الحضاره ثريه
الله يرحم من ذكر دوم باحسان= رجل المهمة في الرياح العتيّه
مقبول بالفردوس يا عالي الشان = ويغفر لك الرحمن رب البريّه