يابعد روحي فداك اللي يصوغ الحروف=لاتشغل البال عيني ماغفى نونها
جتني مراسيلك ابلغ من حدود السيوف=سميتها شوق قبل اشوف مضمونها
يفوح منها العبير اللي ورد عالشفوف=منه المشاعر سحايب هلت مزونها
ماكنت ساليك لكن غيبتني الظروف=ظروف منها العباير باح مكنونها
الا انت غالي مقامك يابديع الوصوف=وشلون تسلاك عيني وانت مضنونها
روحك سنا برقها يمرح بقلبٌ ولوف=نبضاته انفاسك اللي صار مجنونها
بنيت له بالحشا يانور عيني رفوف=حمر المعاليق والخفاق يفدونها
يامنبع الذوق! الى سلهمت خلك عطوف=لاتبتعد حيل روحي مالت غصونها