من عادتي لاضاق صدري ومليت=عليت في راس الرجوم الطويله
أرتاح لو باالشعر فيها تغنيت=أخذ جزيل الشعر وأترك هزيله
أخير لي من مقعدي داخل البيت=تقول مسجونن وخلو سبيله
وأرتاح إذا للبر باالرجل سجيت=والبر طبن للقلوب العليله
لاجيت في عاليه للنار شبيت=وأرتاح من بعض النفوس الثقيله
صلحت للدله ومنها تقهويت=وإن شفت لي برقن جلست استخيله
وافرح لياعن مجلس النم صديت=المجلس اللي ماربح من يجيله
عن رفقت الطيب حشى ماتخليت=لوكان ماهو من حدود القبيله
وأحب مجلاسي مع اللي تنقيت=من صفوت أرجال الوفاء والفضيله
هاذا دواي ومنوتي لاتمنيت=والله يجلي كل هم ويزيله