[الطائر المهاجر]

عيدكم مبارك
وكل عام وأنتم بخير

كلٍ يعايد من لقى من حبايب = وانا وهمومي كل يومٍ لنا أعياد
تحضر جميع ومن فقدناه غايب= جاء له بديل وعن طريقه فلا حاد
طقوا على راسي طبول المصايب = وحطوا سباقٍ للهواجيس معتاد
ولا قلت وش تبغون مادمت شايب= قالوا فلا غيرك لقيناه ينصاد
غيرك يشتتنا على ادنى سبايب = اما بسهر وإلاّ بسفر وين ما راد
وانته تنادينا نجيب الزهايب = حتى تعودنا نجي دون ميعاد
عيالك كثار ووضعهم بالهبايب =و قلبك عليهم ماهجع يوم بركاد
ولانتاب تاجر تسعف اللي بنايب= ولاهم باللي ماسكينٍ بالاوتاد
والمشكل انك ما حسبت الحسايب = يومك تربيهم على طبع الاجواد
في وقت فيه الناس مايل وعايب = يندر تلاقي من مسك درب الاجداد
واليا لقيته .. عايشٍ في لهايب= مما يشوفه في زمن عثرة الضاد
يوم(ن) اهلها اصبحوا كالنجايب = تقطعت مابين (بوشٍ) و(نجّاد)
واليا نظر حوله يشوف العجايب = فالوقت غير الوقت والناس تنقاد
طنش تعش قانونهم والركايب = وما دام عودك سالمٍ مكسبك زاد
حنا معك في كل يوم صحايب = فعيّد معانا ولا تفكر بالاعياد