[محمد بن عمار]

المشاركة الأصلية كتبت بواسطة النداويه

يسوقني قلبي ليا حل طاريه =على الغدير ومزهرات الغصوني
كاني على بحر ترازم شواطيه=والا على رجم يبدد شطوني
غنيت له طاروق من مهجتي فيه=ويرد لي صوته بعذب اللحوني
أزريت أبين له شعوري وأحاكيه=من جمرة بالجوف تحرق شجوني
من حرها قلبي تقطع عراويه=والكون كله نقطة في عيوني
حبه يوردني على جمة التيه=كني سجين مرهقته السجوني
وقلبي على حبه يباري خطاويه=من وين ماساق القدم سار كوني
وسط الحشا شيد حبيبي مبانيه=ماحالوا العذال دونه ودوني

أختي / النداوية
صح لسانك يالشاعرة
وقلبك وفكرك وأنفاسك
وبارك الله فيك يالأجودية
لاهنتي ولاهان غاليك
تحيتي لشموخك العذب