سبحان ربي
بسم الله الرحمن الرحيم
من جديدي المتواضع
( سبحان ربي )
يسلم وينعم من على الطيب رباك = ومن علمك تنطق حروفك سليمه
يامرحبا وأهلآ حبيبي وحياك = ولي الفخر وأنته لقلبي غنيمه
يسعدك ربي يسعد اليوم ممساك = ويسعدك لو أنك تدور ظليمه
قفيت وإلا جيت قلبي ترى جاك = ماعاد يرجع لو جرى له جريمه
بعلمك قلبي ترى حيل يهواك = وقلبك ترى قلبك خفوقي يهيمه
والله مابه من يساوي ويسواك = لو صفف العالم مزاين حريمه
أنته الحلا كلك حبيبي ويفداك = نبضات قلب الي لقلبك يتيمه
الله محلى طلة الزين محلاك = كل الحلى زينك حبيبي يظيمه
سبحان ربي كامل الزين سواك = وسبحان من كمل جمالك بشيمه
اليوم جاك القلب جالك وينخاك = تكفى تـروف القلـب قلبـك فريمـه
ناداك قلبي قلبي اليوم ناداك = وماغير قلبك نبض قلبي صريمه
تكفى عليه لا تطول بمقفاك = يلي القفى والوجه يكوي بريمه
أن جيت وإلا رحت ماظن أبنساك = خلاص قلبك صار قلبي حميمه
الله يسعد لي خفوقك ومرباك = والله يعين الي تعلق بغيمه
آخر تعديل محمد عبدالله البدراني يوم 29-08-2008 في 03:13 PM.
|