[الطائر المهاجر]

الشعر عبدي اذا ما امره لبّى لي = والشعر سيدي اذا يأمر البي له
والملهمه حاضره بالدوم تبرا لي = تملي ويكتب ضميرٍ طافحٍ كيله
من واقعٍ كلما وجهت يبدالي = واكتب بلا شعور عن وضعه وتحليله
شعرٍ من القلب فيه الآه وامالي= بنصرٍ قريبٍ يعدّل ماوضح ميله
مانيب شاعر يدور زود في المالي= من واحد عارفٍ مصدر رساميله
لا من مدحته نفاق وزدت مكيالي = يرمي عليّه من السرقات وادعي له
ولو كنت اروض بحور الشعر تسعى لي= مالي بشهره بوقت حطم لجيله
تكفي قناوات مكرٍ مالها والي = تخدع ملايين مايدرون وش هي له
ترز مستشعرٍ في شكل تمثالي = تعطيه طفسه وتبلع كل تحصيله
يقوم ينخى القبيله شيب وعيالي= من شان تفزع تصوت له وترهي له
والنعرة اللي مضت من سالف اجيالي= ترجع علينا وكل زاد تطبيله
وان الشعر هالزمن تايه بلا جدالي= اصبح كفيفٍ ولا به من يقدي له
في النظم تلقى مجونٍ كله اهبالي=وحتى المحاور غدت ترقص مواويله
والبعض تعرفه من شعره بالاجمالي= يكتب خذاريف تمليها معاميله
نادر تلاقي شعر يستاهل اجلالي= واليا لقيته ترى صاحبه تاوي له
محبط يعيش القهر من كثر الاهمالي= وشعره بدرجه فلا له حيل او حيله