[مجدي صالح المبارك]

المشاركة الأصلية كتبت بواسطة الطائر المهاجر

المستريح اللي بجزيره لحاله= لاعلم ياصل له ولا يسمع اخبار
طيارته جنبه اذا من بداله= ركب السحاب مجاوزٍ كل الانظار
مااحدٍ يرده او يغث بسؤاله= ينزل على كيفه ويقلع كالاطيار
حوله يجد ما يشتهي من نواله= إلا بني آدم من اخيار واشرار
فالآدمي مهما تشرف فعاله= لاتامنه يقلب ولو خذت الاحذار
كم رجل شفنا مابه احد مثاله = وفي لحظةٍ ذقنا من اسبابه امرار
في وقت ما يعلا به إلا الحثاله = وإلا الرجال اقفوا مع اجدادٍ اخيار
يوم الرجال رجال عقل بكماله= رغم الفقر والجوع ماداسوا العار
احرار عاشوا مايعرفوا نذاله = كلٍ برزقه قانع بكل مشوار
مااحدٍ حنى راسه يجمّع بماله = ويذل نفسه عند واوي ومكار
من بعد ما كنا رجال الشكاله= سدنا جميع الكون للخلق صدّار
حتى غدينا مطمعٍ للثعاله = وصرنا جدار قصيّر لكل خطّار
حنا شرينا الذل ماهو جهاله= لكن طمع من دون ما ناعي اخطار
وحنا جرفنا السيل لو به ضحاله= نمشي على خطٍ رسم دون تحذار
الغرب اغرانا ومدد حباله= حتى غسل عقل العرب دون اجبار
كلٍ غدا همّه يدور رياله = لو باع نفسه شان يكسب لدولار
ولو كل واحد عارفٍ وش مآله= ماكان بوم اليوم يفرس بلاحرار

صح لسانك واعتلى شانك

شاعرنا القدير

( الطائر المهاجر )

على هذه القصيدة الرئعة

التي جوت بين طياتها

عبر متفرقه تحاكي

واقع الزمن الحاضر

تقبل تحياتي

مع فائق الود والتقدير