السلام عليكم
وجه لي الاخ الشاعر عمر ال شيبي
هذا البدع الجميل
غزال ويلعبن حولي يا بن منشار وعّيني = تراني واقعن فيها وهيّه روحها فيني
وشوف الدنيا من وسعن ولكن بابها ظيقي= عليك الله يا بن مشار لاقي الحل ورضيني
لاْكنت براعيْ لي مهرن وماتت وانحرت قلبي = ثمان اسنين يا بعدي ونامت في دوافيني
ونا وقلبي وهوى روحي سوالف ليلها مرضي = لوعد ن من طرف عهدن سكن في داخل اجويني
يمد المد ما يبطي ذواكرها وخوافيها = على روز المدارك سيف قاطع في شراييني
وشوف القلب له خاطر بيم الورد استلقي = ونا مليت من بردن ذبحني من خلا ازويني
وجيتك ناصيا مقدي على كف العنا وسلوم = بدواتكم بداوتنا ما بين الحال ورميني
عسى قلبي يكف الحوم بدياره هفى ليلي= لا هيه بوحدة العشرين نص اعميرها اهديني
يقولون العمر يمضي وشيب الشعر مطروده =وشوف النفس له ترمي عقب حلوه ويسقيني
صفا عذب الحنان اللي يذوب صخر مدفونه = ماْشاف الشمس من عمقه رطوبه وشوق يكويني
عزال ويطربن راسي ونا خله وله فيني = مشاعر نار مكموته يا بن منشار داويني
ــــــــــــــــــــــ
وهذا ردي المتواضع آمل اين يوفي
هلا بك ياعمر والقاف له وزنه وتعديني =وصلني الشعر مير العلم يالشيبي يغاويني
هلا بالشاعر العاشق ابو سبعه وراعيني=يقول انه عشق تالي العمر واليوم مبليني
يجي خلف الستار ويرسل المرسول بالمحمول=من الاشراف ضاع اليوم في لحظن فلسطيني
ترانا ياعمر مانعترف بالعشق واهل الشوق = نمور ولا بغينا صيدة الغزلان موفيني
خفوقي ماعطيته ذات طرف احور وفيها عور=تمور براعي القلب المعنى بين الادنيني
وانا ماني بدكتور الهوى ياصاحب الترطين =وقلبك لاوقع في الحب وش لي منه يشجيني
انا ياصاحب القلب الرهيف اشرد عن العشاق=والا شفت المتيم قلت يارحمن تكفيني
ترى مابعد عشق الغيد في هذا الزمن مصلوح=فخلك ياوسيع المعرفه حول المحبيني
واذا بك مثل مابي فاطلب المعبود راعي الجود=يسهلها ومن عقب الغنى يتسدد الديني
انا ادري كل شاعر وده انه يبلغ المقصود =ولكن الهوى والعشق ماهو من عناويني
تدور للدوى والا تدور لاهل قسطنطين =ترى ماللهوى من طب في وقت التلاويني