أضع بينكم أخواني وأخواتي رواد هذا الصرح الشامخ هذه المتواضعه علّها ترتقي الى ذائقتكم
مساء الخير ياجرحٍ سكـن بيـن الهـدب والمـوق=مساء الشوق والذكـرى تداعـب جمْـر أنفاسـي
أحاول أكتم الشكوى وينبـت للعـروق عـروق=و عوْد آجـرّ أذيـال الغـرام و منحنـي راسـي
حبيبي والهوى ظالـم فـلا عاشـق ولا معشـوق=سلم من نـاب عذّالـه و مـن تكفيـرة القاسـي
عشقتك قبْل ماينزل لأرض الحـب مـن مخلـوق=قَبَل صوت الوله يطرق شغـاف الـروح ياناسـي
عشقتك قبْل لا صحـرا يسامرهـا حنيـن النـوق=و لاريـفٍ عصافيـره تناغـي الفجـر و تواسـي
عشقتك من ربيبات السما لآخر حدود ال[ فـوق ]=و روّضت البحر لاجلك على ترنيمـة احساسـي
عشقتك طفْل في طوقك و شبّ اليوم عن هـ /الطوق=كبرت و حبكم ي/اقصى جنوني بالحشـا راسـي
على رغم الفراق اللي عذابه شـقّ فـيّ (ا)شقـوق=سقيتك من شرايين الوفـا حتـى انكسـر كاسـي
و كلما هبّت (ا)رياح الصَبا ب/الخافـق المخنـوق=خيالك زارني واضـرم نمـارق تحْـت هوجاسـي
حبيبي أحبس (ا)طيوفك إذا لي في غلاك (ا)حقـوق=ترى موتي دنا من هجركـم و اندقّـت اجراسـي
واذا كان الهـوى ذنبـي عقابـي قلبـي المحـروق=على جمر الحنين اللـي يداعـب بالمسـا انفاسـي