[هاجس نجد]

المشاركة الأصلية كتبت بواسطة الطائر المهاجر

لا .. لا .. تلوموا حبيبـي لا تلومونه=خلوه يبكي إذا يبكي على شانـي
أدري فـراقي سبايب دمعة عيونـه=ويدري فراقه سبايب كل ما جاني
وادري بنفسي بحب الزين مرهونـه=من يوم سافر ونا في هم واحزاني
حاولت ابسلاه واقضي الوقت من دونه= واثره معي وين ما روّحت خاواني
يطول ليلي واخاف الليل وسكونـه=وكثر السهر اتعب عيوني ووجداني
اكتب قصيـد(ن) بقلب باح مكنونه=من وين ما رحت بالصفحات وافاني
إن كنت مسحور ، هذا الحب وجنونه=وان كنت عاقل ، لوين الحب وداني
تكفون يهل الهـوى والشعر وفنونـه=وش حيلة اللي ضناه الحب واضناني

صح لسانك يا أبو عبد الله

يا اللـــــه

والله أنك تطيح على الجرح يالغالي

قصيدة تمثل واقع أعيشه بكل حذافيره ومعاناته

الله يعطيك الصحة والعافية وطول العمر

تقبل احترامي وتقديري لشخصك الكريم

أخــــوك

سعـد عبـد الله العبيـد

هاجس }{ نجــــــد