حلفت ما اسمع لكم لو طالت الايام = حسبي عليكم عواذل لا تزيدوني
خلوني اعيش عمري و ارسم الاحلام = أحلام حبي وحبه لا تلوموني
كم عاشقٍ من سببكم في جدال و خصام = ياما ظنينٍ سببكم باع مظنوني
الكم مع العاشقين اسلوب نقل الكلام = منكم ترا بالهوى كم شابت عيوني
شرع الهوى يا عواذل ماشي في نظام = ولا يعكـّره كود اللي يعذلوني
في عالم الحب محدٍ بالهوى ينلام = الكل مغرم بنار الحب مفتوني
راع الهوى في حياته له منال ومرام = حبيبه اللي بحبه صار مجنوني
وانا و حبيبي غمرنا حبنا و الغرام = و الله من عذلنا ما تستطيعوني
بيني و بينه عهودٍ عاليات المقام = عهدٍ مع الزين ما اخونه ولا يخوني
حبيبي اللي ملكني كاملٍ بالتمام = فيه الحلا ضافي و مجمول و مزيوني
أهيم في حبه و متبادلين الهيام = قلبي و قلبه ولايف كان توحوني