[ ويش السالفة ]
يـسعد صـباحك والمسـاء، ياآسرة كل القلوب = لكن علي قلبك قسى، يابنت ويش السالفه
ويـنك أدوّر خِلّـتك لي فـي شمالي والـجنوب = كنك على عدم اللقاء يـابعـد عمري حالفه
لاتوعــديـن وتـخـلفـي، قولـي إذا فـيـني عيـوب = دامـك بــحـبي تـعـرفـي، وقلوبنا متـآلـفـه
سطرت لك قافٍ عـسى عن صادق شعوري ينوب = لمـا أمـرنـي خـافـقي طعـتـه أبد ماخالفـه
تـدرين بـان الـخافـق اللي حـب لاـيمكـن يـتوب = ولا المـشـاعـر تـلتقي إلا مـع اللـي تـألـفه
لي جيت ابـحيا واقـعي ، في غيـبتك مالي هروب = عن طـيـفك الدايم معي، اللي خيالي حـالفه
بـدري عـليـنـا يـاشـمس لا مابعـد حان الغروب = تـوّه نـهار الـحـب بـدأ غـيـرك انامـن والفه
مبروك بن سالم بن ماضي