الوجد فاض وضاقت اليوم الافلاك=واظلم علي الكون واقبلت اناديك
ياصيد يرعى من حيا القلب وش جاك=تغيب عني كيف وانا مداريك
لاشك انا من شوق جيت اترجاك =فاسمح لمحبوبك ليا جاء يراعيك
ماهو بكيفي غيبتي يوم نجواك = حكم القدر خلاني ابعد ولا اجيك
يومي قريت الحرف ناضرت عتباك=صب العتب صبه ترى الروح تفديك
رسالتك جتني ولو ذاك مارضاك=ماطيق انا بعدك ولا اقوى تناسيك
صدق محبك والي اشجاني اشجاك=لولا الملامه صحت باسمك اداعيك
فارفق على روحٍ بها دوم طرياك=ماملت انفاسك وفيها مواريك
روحٍ على لاماك ماهيب تخفاك = تهواك من بد البشر في حراويك
من غبت غاب السعد لولاك لولاك=ماجاد قافي وانبرى لك يناجيك
لا تبتعد عن قلب مايوم يسلاك =لك حق تزعل ياحبيبي واراضيك