بسم الله أبدأ
كتبت وجداني على صفحة الصمت=من نزف ذكـرى مابعـد فارقتنـي
كتم المشاعر يعتبر يـا بشـر كبْـت=وانـا رضيـت بكبتهـا واتعبتنـي
جاريت نفحات الهوى لين طاوعـت=وارخصت نفسي عقب ماطاوعتنـي
يا ليتنـي مـن شهدهـا ماتذوقـت=ماكان ذقت السـم يـوم اعدمتنـي
وياليتنـي مـن شطهـا ماتقرّبـت=ماكان ذقت المـوت يـوم اغرقتنـي
وياليتني من بارجـة رعبهـا خفـت=ماكان من نزوة خطرهـا فجعَتنـي
ياحظ...في حقي ورى ليهْ ماانصفت؟=اوراقك السـودا ورى ماانصفتنـي
وشلون عنّي في الملاقـى تخلّفـت؟=حتـى شفاقـة رحمتـك خالفتنـي
ماني بقابل لك عـذر لـو تعـذّرت=خـذلان بيبانـك تـرى كلّفتنـي
إرتاح لاتتعب عسـى ماتكلّفـت؟!=ماعمر فزعاتـك وفَـت واسعفتنـي
انا على حـرف الكلافـه تعذبـت=صامدتها بالصمـت ليـن جرحتنـي
كم كلفتنـي بالخفـا لـو تصبـرت=فينـي ملامحهـا عَلَـت واعتلتنـي
هذي حقيقة قصتـي لـو تحفّظـت=ملامح الذكرى طَغَـت واجبرتنـي
عادل بوبدر