[داعي الشوق]

هذه قصيده من أوراقي القديمه
إخترت منها هذه الأبيات
__________________

وين الرجال اللي تعرف المواجيب = اللي تحط لكـل رجــل قـيـاســـه
من لا يروم المرجله حاله صعيب = حـتـيـش لو زانـت حيــاته تعاسه
يشب فيها بإسم مجهـــول ويشيب = وعند النشــــاما ما يســاوي لباسه
ناسٍ على خبث الموارد شراريب = يا قل من يمشي بليا نجاسه
مجنبين الطيب والعز تجنيب = وعلى الردا فيهم ميول وحماسه
يعذربــون اللي بليا عــــذاريب = وتفرّســون اللي بليا فــــراســــه
يا هيه ياللي ودكم بالمعـــــازيب = ياللـي تريــدون الشحـــم والوناسه
ما تاخذون أبيات مني مكـــاتيب = ابيــــات شـعــر ماعليها دســاســه
أبيات من له بالليالي تجــــاريب = وبينه وبين ضعوف الأنفس نحاسه
الرجل ما يجهل دروبه كما الذيب = والذيب عن نومه يســـده نعـاسـه

*******