اقتباس:
المشاركة الأصلية كتبت بواسطة عايض ابوشيبه
قالو مشينا نروح اندور الراحه = في ديرة الغرب يمكنا نلاقيها
قلت اتركوني مدام النفس مرتاحه= في ديرتي لاحشى ماني مخليها
في ديرتن بالكرم ماهي بشحاحه=جعل السحايب تمركز فوق اراضيها
والله لو راس مالي نص تفاحه=ماحس بالفقر دامي عايشن فيها
تبوني اروح يم الغرب واشباحه =وابيع دارن عظيم الشان حاميها
منهو يعيش ابجحيم ويترك الواحه=هذاك شكله عدو النفس مشقيها
والمملكه وزنها معروف بالساحه=وهي منوة اللي من الزوار يلفيها
مادام فيها ضيا قلبي ومصباحه=مكه وطيبه ولا شين يضاهيها
وإن ضاق صدري ركبت ورحت للباحه= من جالها راح وهمومه مخليها
لاجيت تلقى زهور وعطر فواحه=وهني من عطلته فيها يقضيها
وابها تداوي مريضن زادت اجراحه=سبحان منهو بوبلن منه يسقيها
ياما يجيها من البلدان سواحه = واللي يجيها صعيب إنه يخليها
واللي يجيها يكمل جملة افراحه= وتزيد ألأفراح لامر ابضواحيها
والطايف ابيوتها بالطيب نضاحه =واصل الطبيعه معاني من معانيها
واللي يجيها يبيله بس طراحه=ويعيش وسط السحاب اللي مغطيها
الله يحفظ الوطن من كل سفاحه=اللي يبون المشاكل تنتشر فيها
والخاتمه من يريد ايدور الراحه=يعيش فالمملكه لا لا يخليها
|
قلت اتركوني مدام النفس مرتاحه=في ديرتي لاحشى مانـي مخليهـا
عايض ابوشيبه
نص شعري حلق بنا فوق السحاب
رائع رائع تطرقك لهذا الموضوع
شاعر متمكن وقدم لنا نص جزل ورائع
صح لسانك ملايين ملايين
لك أرق تحيه