اخطبوط التف حول الأرض في كل اتجاه= احتواها بالمكر والخبث او قوة عتاده
اخطبوط بوجه واضح ومخ متخفي وراه= يرسم الخطه وهو دوره ينفذ باجتهاده
ماسكٍ منه المفاصل يسيّره للي نواه= حتى في تحطيم نفسه من اجل راع القياده
امتطى حصان الدمقراطيّة اللي قد سباه = من حضاراتٍ قديمه ماتطبقها بلاده
خادعٍ فيها شعوبٍ جاهله وش مبتغاه = لين ما كوّش عليها وابتدى يشفي مراده
مص ثروات الشعوب وصار يدعس من عصاه= ومجلس الأمن الموقر خذ نصيبه والزياده
ذا يرقد وذا يشوت وكل واحد له حماه = لا تقاطع ف المصالح فالتوافق دوم عاده
بعد ماهو اسس الإرهاب واوجد له حياه= "قاعده" و"اخوان" مثل الغير اعطاهم مداده
ينفذون اللي يريد ولو يسمّيهم جناه = وغالبية من معاهم جاهل بكاسب جهاده
كل هذا لاجل يلقى له ذريعه في اذاه = ويسرق شعوبه بضرايب دام ماتدري فساده
وينفتح له باب حيث الكل يبحث عن رضاه= خوف من ارهاب قادم قد يجيب له النكاده
ما بغى يعطوه دون حساب من مالٍ وجاه = لأنه الحامي لهم شان يحيوا في سعاده
ثم جانا في مخطط قلةٍ تعرف مداه = والهدف تقسيم ارض العرب عن قصد وعماده
في تقاتل مستمر وفي تناطح للشياه= باسم ثوراتٍ تؤجج حتى يضمن له حصاده
كل هذا لاجل يرضي مخ يتخفى وراه= في طموحه كل ارض العرب تعطيه السياده