عرض مشاركة واحدة
قديم 26-10-2007, 01:53 PM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات المسعودي


عبدالله المسعودي ومستور بن تركي العصيمي
المسعودي

سلام من هاجسٍ ماختلف نوعه = لو كـل الأيـام تخلـف حلاياهـا
والموهبة شي والعلم شي ثانـي = سيلـك بلانـو يانـازل الـوادي
ياقاضيٍ حكمته من تحت كوعه = من لايعـرف الصقـور يتشواهـا
كم اكلت النار من صقر شيهاني = والريم ترعى ورا الضلع من غادي

مستور العصيمي

اعداد ماشعشع النور بطلوعـه = يامرحبـا مـن هجـوسٍ بمعناهـا
وان كان جاك الخبر فالخبر جاني = من صدر مهتاض ماجيت نشادي
اللي يبا يزحم الضلع بضلوعه = خطرٍعليها مـن الضلـع يرزاهـا
ليش العوي ليش يالذيب سرحاني = عنيت نفسك وعنيـت الاجـوادي

المسعودي

ياخيال وبروق ورعود مسموعه = لكن مايشرب الطير من ماهـا
مافالسنه حب خوخ ورماني = والحال مايسمـن الا مـن الـزادي
مجنون ليلى سقى الرمل بدموعه = عشرين ليلـه وليلـه مايلقاهـا
البطن جيعان والطرف سهراني = والراس مرشوش بالورد والكادي

العصيمي

كلٍ جوابه على قيس موضوعه = واللي كتبهـا عـرف كيـف يقراهـا
انا على الدرب محدٍ تعداني = احرص من ابـرص وبـادي ورا بـادي
الضحك بالضحك والحرب بدروعه = واللي على البال مدري وش اطراها
جاكم نبـا مـن سبـا ياسليماني=اوحيـت مرسولـه ايصيـح وينـادي

المسعودي

لي حاجةٍ مادري وين مرفوعه = والسارحه صبح يابعد ممساها
المر فالقلب والحلو فلساني = والبغض بالعين والحـب بفـؤادي
ايعيش نفرين ويموت مجموعه = وتصير كرامة ياعقيل لألحاها
والله لو لاي لولاي لولاني = لاقول يهديك رب السما الهـادي

العصيمي

يد الحرامي من الكوع مقطوعه = والسارحه صبح ياسرع مضواها
السر لو اعرفه وافهمه ماني= بياح الاسـرار جـراح الاكبـادي
ياشاعر اهذيل مافيه مطموعه = انت ابن مسعود مانت ابـن طـه
لاتقعد اتقلي اهذيـل جدانـي = واعـود اقلـك اعتيبـه اجـدادي
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــــــــــ
المسعودي

مرحبا عـداد نوضـة برقهـا والا رعدهـا=يشرب الشعب البعيدي ويشرب الشعب القريبي
عادة التجار تشري كـل سلعـه مـن بلدهـا=وان خسرنا وان كسبنا لا رجاي ولا نصيبي

العصيمي
والبقا ياعزوة توعـد وتافـي فـي وعدهـا=وش حصل من مشكله ماعندنا شي غريبـي
وان نسينا الاولـه والثانيـه والـي بعدهـا=مانسينا الرابعه ياراعـي الـراي الصليبـي


المسعودي
السوالف ياعميل الخيـر مايحصـى عددهـا=والدفاتر ماتضيـع شـيء وافهـم يالبيبـي
المطيـه ماتقـدم رجلـهـا قــدام يـدهـا=لو راعيها يخليهـا عشـى حصنـي وذيبـي

العصيمي
خابر الديره حيا واليوم مدري وش حصدهـا=والمريض من العلاج يطيب مدري مايطيبـي
والمطيه راسها واديوسهـا فـي فـم ولدهـا=مار ياذيب الخـلا بعـواك لاتقنـب قنيبـي

المسعودي
ماعليه اللي ليامنـه بغـى الحاجـه وجدهـا=احسن من الشجره اللي لا صبوح ولا حليبـي
كانت العذرا تهوش وترفـع البيـرق بيدهـا=والعشيـه هلـت العبـره وقالـت ياحبيبـي

العصيمي
مالمحت الا الجنازه يوم طبـت فـي لحدهـا=ميـر قلـي موتهـا رضـى والا غصيبـي
روح ابو زيد الهلالي من نشدها من نشدهـا=مير في وقت المحاسب والله لخلقـه حسيبـي

المسعودي
ياهل النبـوت مايبنـي البيـوت الا عمدهـا=احسبني موت وارواح العرب في وسط جيبي
ليت للسلعـه مقـدر مايقلـل مـن جهدهـا=لو يقولون اربعه هذلان واثنى عشر عتيبي

العصيمي
كان طولت البيوت بنيها اولـى مـن هددهـا=لايضيع العلـم مابيـن المنـادي والمجيبـي
ثابتـه ومثبتـه بشهـودهـا واقراسنـدهـا=كان مايسترك ثوبك لا تلبـس مـن ثويبـي
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــ

عبـدالله
سلام الله عليكم عد مايبـدي الـورق فالعـود=نبا منك السوالـف وانـت يامستـور هذبهـا
علامك يالعصيمي تختلف فالوعد والموعـود=وانا خابرك وراك رجال تفتل في شواربهـا

مستـور
هلا يامرحبا حييت ياشاعـر بنـي مسعـود=تدور للسوالـف مـن عتيبـي يجيـك ابهـا
نهار انا تواعدنا على وضح النقـا المجـرود=بهيبتنا كسرنـا القـوم قبـل انـا نحاربهـا

المسعودي
بغيتـوا يـوم جيتـوا مالقيتـوا المقـصـود=ومنهو ذل له من علـة مامـات غيـر ابهـا
نهارك صادفه رمضا واصابتكالليال السـود=وحنا خابريـن اسـود سمحـه مـن ثعالبهـا

مستـور
ياعبدالله لابد العلم يطلـع فيـه نقـص وزود=وانا اصحح علوم الصـدق والكذبـه نكذبهـا
تدورنـا وتعزمنـا لضيفـه بابهـا مـردود=تهاون بالعزيمه مانـت داري عـن عواقبهـا

المسعودي
تبا تزبن على الحيد الزبين وتبـذل المجهـود=سواة الغاوي اللي مخلـف الساقـه وعاقبهـا
لكنك حج واحرم والفريضـه بابهـا مريـود=ليا صح البن باقي المراجـل مـن مكاسبهـا

مستـور
ليامنك جحدت اللي حصل عندي عليك شهـود=شهود تشهـد انـك سبهـا وانـك سبايبهـا
لقيت إيدامهـا قدامهـا فـي سبلـك الممـدود=وبعض الناس وشهو عذرها في ترك واجبهـا

المسعودي
تلحقها بعد راحـت عليـك وفاتـك العنقـود=تلـد بعيـن والا عيـن ماتقـدر تلـد ابهـا
تهز البندق اللي تاكل الصفره مـع العبـرود=ولو يرمي بها الرمـاي ضايعـةٍ مضاربهـا

مستـور
اظنك ماسمعت اللي ينـادي والعبـاد رقـود=عديم المعرفه يدعي على الصنعه وصاحبهـا
بعد حاشتني الطرقه وجيت انشد عن اهل الجود=واثرهـا مقبـره لقبورهـا تشهـد نصايبهـا

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــ
مستـور
..................=هجرس ضميري ومن هجرس ببعض علوم غنابها
ياذيب ياللي تجر عواك عنا فالخفا ما انـت ذيـب=من جوع والا طبيعه فيك ياسرحـان تضرابهـا


المسعودي
حس المنادي ينادي والمجـاوب للمنـادي يجيـب=واللي يجيب العلـوم يجيبهـا وان جابهـا جابهـا
ياسامع الصوت كيف بتسمعه لولاه منكـم قريـب=الموت في روحك اقرب من عصاك اللي تعصابها


مستـور
بعض الغرايب من الاغراب لكن مانلوم الغريـب=والحجـه الصادقـه مفهـوم قاريهـا وكتابـهـا
بنت الهوى باللبوس الزاهية تزهى عيون الخطيب=واللـي يشقـق ثيابـه لولاهـا شقـق ثيابـهـا


المسعودي
محد درى عن ذكاة ام القرين اللي عليها عصيـب=لين انها هي بيدها تحضـر السكيـن ونصابهـا
دور حليب البقر مافالحجر ياللـي تـدور حليـب=والخلفه ام الحليب ديوسهـا فـي يديـن حلابهـا


مستـور
واللي يسوق الجمل فوق الجبل مافيه شك وريـب=تبـا تطيـح الذلـول بذلهـا ويطيـح ركابـهـا
مافالحجر غير هم وصب دم وكحل عين الحبيـب=والحيه اللي تحت رجلـي يعـض لسانهـا نابهـا


المسعودي
يافاهـم العلـم خلـك للمعانـي والمثايـل لبيـب=واللي قبل حصته برضـاه يامستـور يرضابهـا
الضحك في مجلس مافيه مايدعي ليا الضحك عيب=بثبوت واللي يجي لبيـوت ياتهيـا مـع ابوابهـا

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــ
المسعودي
هـلا يامرحبـا ترحيبـه مادونهـا حـادي=عدد من راح من مكه عدد = وعداد من جاها
اعلم فالعرب وعيونها تنحـى بهـا الـوادي=واحط الكحل في عين الولد = والكحل يملاها


العصيمي
يدوم لك البقا ياهونها فـي بـدع الانشـادي=ولا ياليل ياليل السعـد = والحـظ يبراهـا
علـوم مبطيـه مادونهـا والله لكـم هـادي=وغيركم فالمثايل من نشد = ويجيب حلياهـا


المسعودي
ليـا حسبتهـا ياهونهـا ماعنـك نشـادي=وانا ما ابني بيوت بلا عمد = ويشين مبناها
حلاياها ولونك لونها والعلـم مـن غـادي=ويابن واس خربت البلد = دبرتك ما ارضاها


العصيمي
اباليـس تهـز قرونهـا يحدالهـا الحـادي=وحجة مالها عندك سند = لجل ايش تقراهـا

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــ
المسعودي
هاضني ليلة الجمعه سنـة تسعيـن=غير تسعه على تاريخنا الهجـري
المعلم تعب بيـن الحجـر والطيـن=والافندي عن الاحـوال مايـدري


مستـور
لو قرينا على صـم الجبـال تليـن=سورة الراجفه والشفـع والوتـري
لو بدالـي حقيقـة قلتهـا ذلحيـن=بدري الليل ياهل الملعبـه بـدري


المسعودي
صارت الحبحبه حمرا على السكين=مابقي غير طش القشـر والبـذري
المهندس يعـرف العلـم يامسكيـن=حط لك في شعيب منى مية كبـري

العصيمي
امتلا اللخرج منها وامتلا الجيبيـن=يوم حظك دعالـك ليلـة القـدري
وش جرالك وجالك وين ساري وين=مر سكر ومر العن من الصبـري

المسعودي
كل شي يبين وما اكلـت ام قريـن=لازم انـه طلـع فجنوبهـا نبـري
انت طالب وراسب عام في درسين=لو تعـد لـك الاقـلام والحبـري

العصيمي
لقمة ابليس تعلجها علـى اللحييـن=والحوادث تصوب والـدوا يبـري
هرجةٍ مادرا عنهاحسـن وحسيـن=عوذ ابليـس علمنـا بكـم تكـري

المسعودي
ياذهب بعد ماامتدت عليـك يديـن=احد يبتاع واحـد ياذهـب يشـري
البلح والملح فالصاع ابو صاعيـن=وت تدور تمد يديك فـي شمـري

العصيمي
كل ديره لهـا نـاس تسـد الديـن=من بعيد الرموس يجيبهـا فكـري
وش حداك على القشرا حداك البين=والا انا بالرديـه ماطلـع ذكـري

المسعودي
انت ياخادم الدنيـا نسيـت الديـن=لو نهز الجذع ضلا البلـح يـذري
ذكرك اسود من الغدرا وحب التيـن=لو اوصفك في بيتين مـن شعـري

العصيمي
قاضي الحق واحد والشهود اثنيـن=ان نشدناك وش سوابك المصـري
قلت ياذيب درب الغانميـن يميـن=مير مهبول لاتتعـب ولا تـزري

المسعودي
طيب الشكل والمضمون ماهو زين=مثل مافالبحـر للمـد والجـزري
الحمامه تنـادي راعـي المرتيـن=عند عش الطيورالنبـق والسـدري
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ

المسعودي
من وسيع المعرفه نستفيد = هرجةٍ فاضت مع الحنجـره
مفتكر في جابةٍ قلتها = يالعصيمـي صـح والا خطـا
شفت لي زول بدا من بعيد = مافسرته رجل والا مـره
قلت هذا الشخص قلتها = يالعصيمي صـح والا خطـا
العصيمي
اسمعوا يافاهمين النشيد = ذا خطا وارجوكـم المعـذره
اعتذر في جابةٍ قلتها = لجـل اقلـك صـح ولاخطـا
كل يوم فالعمر يوم عيد = يجلـب الافـراح والغنـدره
هرجةٍ في خاطري قلتها = ياهذيلـي صـح والا خطـا
المسعودي
يخلق الله يافتى مايريد = ذا خطـا وايامـك محـاوره
وانت خابر كيف صرفتها = والله اعلم صح والا خطـا
كل شي حافظينه بقيـد = بالقلـم والبـوك والمسطـره
ليت عيني ماتشوف اختها = ياعميلي صـح والا خطـا

العصيمي
صح لي عين نظرها بعيـد = دربهـا قـدام ومدبـره
ان عرض لي حاجةٍ شفتها = ياعميلي صح والا خطـا
لو نقلك كل ميت شهيد = حين مايصـل ليـا المقبـره
الحياه وزينها عفتها = ميـر قلـي صـح والا خطـا
المسعودي
الله اعلم بالشقي والسعيد = والخطـا فالطرقـه مسيـره
مانت واصل سدرة المنتهى = وانت قلي صح والا خطا
فصلوا للبوم ثوب جديد = والبسـوه عمامـه مشجـره
وامه اصغر من سن بنتها = وانت قلي صح والا خطـا
العصيمي
صح فيما قلت وان زدت ازيد = ولك يوم تشاهده قمطره
وان مشت رجليك وقفتها = صح فالاول والاخر خطـا
مستحيل يصير علمك وكيد= مير خل علومك محـاذره
ياعميل الخير كبرتها = كيف اقلك صح وهيـه خطـا
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــــــــــــــ
مستور
سلام رديـه لهـا درب ضمـان=واجب على اللافيـن رد السلامـي
سالم من الشكـات يابـو سليمـان=حتى عيونـك تهتنـي بالمنامـي

عبدالله
يامرحبا ياضيف ريض وعجـلان=ترحيبة الصفطان واسمع كلامـي
ياراي المعذار وش صار وش كان=ومن ايش اخاف وبندقي في حزامي


مستور
ماني بشيـال الجنايـز والاكفـان=نبا نخيل البـرق وان لاح شامـي
اللي تغرز لـه بـدوش وريحـان=عاده لابو عرام في كـل عامـي


عبدالله
جاتك تدرج من نعش فوق عيـدان=لكـن موتـي لعلهـا للرحـامـي
ماكل من ينفخ على الناس زعـلان=ولاكل مايبرد على كبـد ضامـي

مستور
ياطير لك مخلب وريش وجنحـان=ودي بقتلك ميـر قتلـك حرامـي
لو من سمع بالعلم شاهد بالاعيـان=ماكان قال النور مثـل الظلامـي


عبدالله
الطير جايك دونه الذيب سرحـان=والذيب ماهو صيده لكـل رامـي
انته غني ضليت واليـوم فقـران=والديره العدمـه يجيهـا العدامـي


مستور
لو مالمشاكل وقعت بين الاخـوان=ماكان يبقى فـي تهامـه تهامـي
ماراح لي دينمـه ولانـي بمـدان=العـام واليومـه قـوي العظامـي
ــــــــــــــــــــــــــــــ ـــــــــــــــ
=مستور
صدقونى.ليا منى هرجت..الصحيح=شفت عبداللة واقف لة على باب دار
لاحصل شى من قصدة..ولا مستريح=كل ماشاف قبة.قال هذى مزار
=المسعودى
من يصدق كلامك يالبخيل....الشحيح=والبخيل الشحيح يمدها..باليسار
احرم اللة عيونك من عيون المليح=تنوى الصيد وانتة ماتحق..العيار
=مستور
علم مثل الحجر ماهو بسكر..يميح=وانت خير لك من درب الجحيد القرار
يابن مستور علمنى وخلك....صريح=كيف تجحد كلام مثل شمس النهار
=المسعودى
انت منت الطبيب اللى يداوى..الجريح=انت مجروح فى نفسك وتكوى بنار
من يعلمك ياللى بالسراير...تبيح=تحسب ان القنا والسيف طبلة وطار
عذبتك الليالى ياللسان الفصيح=كل ماشفتلك طير من العش طار
اخر الوقت اظنك فى مصيبةتطيح=يفقدونك هذيل اهل الكرم والوقار
=المسعودى..
انت جتك النصيحة من عميل نصيح=مار ماخذتها بين الضلوع القصار
ياعتيبة توحو فاالعتيبى..يصيح=كل ماشاف لمة شال ثوبة..واغار
=مستور
زندك اللى من اول كان يقدح قديح=والعشية مولى ما يجيلة ..شرار
شب نارك تحت قدرك لعلة يفيح=والدلال المنحر..زيدها بالبهار
ــــــــــــــــــــــــــــــ ــــــــــــــ

=المسعودي
واحدًا جابوه ودّوه مـدري كيـف قـال = من هو اللي دفّ مستـور وندفّـه وراه
أخوياه ايدوّرونـه وهـو رايـح لحـال = ما خبرت اللي يبا يروح ويكبّ أخويـاه
=مستـور
ما خبرنا اللي يضيّق سريـع الانفعـال = من يقول العلم جاني منيـن العلـم جـاه
واشكل الاقوال يا ذيب ماهي راس مـال = من ظما لو يشرب البحر ما يروي ظماه
=المسعودي
الخبر والعلم تحـت العمامـه والعقـال = والعقال مع العمامه على راسـك هـذاه
من زعل قلة سعة يشتري له وسع بـال = قبل يقعد له زمانه على راس الحصـاه
=مستـور
ما على راسي يقع ما على روس الرجال = والعميل الوافي الناس ما تنقـص وفـاه
الزعل طيّب ومكروه في بعض الحـوال = والامانة ما تضيع على طـول الحيـاة
=المسعودي
أنت فيك طبيّعة من جـدودك والخـوال = لا غريبة تعجب الناس من قدر وغطـاه
إن عطتك كتوفها ما تربّطـك الحبـال = وإن توجّه لك نحرهـا تلحفـت العبـاه
=مستـور
وإن بدالك عوجة العوج في رقاب الجمال = مير من عارض بماعونه السيل امتـلاه
من تملت له غروبه تضارس به محـال = كل ما أوحى له منادي ينادي قال هـاه
=المسعودي
ما معي ماعون والوادي الممطور سـال = وانت كيف يسيل واديك وخيالك صحاه
والحبوب الصم لو قيمـة الحبـة ريـال = ما بلعها غير من تطحن الحبّـة رحـاه
=مستـور
لو زهمت أبكم يجاوب على هذا السـوال = كيف عاقل يلتبس ثوب ما فصل عـلاه
لن وصلك العلم عندك محايل واحتيـال = حيلة الحصني ليا شاف سبع الليل جـاه






توقيع الطائر المهاجر
 
  رد مع اقتباس