[الطائر المهاجر]

https://www.youtube.com/watch?v=R1sjaHThckA

المستريح اللي حياته عزوبي=ولا حرمةٍ تتعبه لاكبروا عيال
مسيار والم في جميع الدروبي= ويقضي حياته دون همٍ وولوال
بعصر انفتاح من شمال وجنوبي= خلاّ العذارى همهن جمع الأموال
ماعاد يحتاج الرجل لأي نوبي= وقته يخدمه دام في يدّه ريال
خدامةٍ لو بالف ماهو محسوبي= كلش تجهز لو يبي تخرز نعال
يسرح على كيفه ولا من عتوبي= ويضوي على كيفه ولاهمه الحال
ان جاع فالمطعم يجيب الطلوبي= والا على دربه جلب صحن فوال
ينام هاني العين لو له ذنوبي= فالله غفور مقدّرٍ كل الافعال
وش له بحرمه مثل عنز الخبوبي= ماغير هوش ولوش في كل موال
وعيال مايدرون لفح الهبوبي= حطوه آلة صرف بادبار واقبال
ولا كبر واحدهم بدا بالهروبي= ولو قال اشوفك قال مشغول باعمال
وفي الآخره تلقاه يرجع عزوبي = من بعد ضاع العمر مثقل بالاحمال