[كريمة محمد]

كنت اتغنى بك وبالحيـل اغليـك
واكتب بك اللي ما انكتب بالقوافي
واليوم مالي واهس لـو اداريـك
حتى الشعر عيا لمثلـك يصافـي
تخطي واسامح بالغلط ما اجاريك
واقدر ظروفك وما كـان خافـي
لكن اشوف ان الغلط ما يخليـك
ومن كان ذا طبعه فحبـه يعافـي
اتعبتني من كثر ما ارفا تجنيـك
حتى زهقت فْما جرى منك كافـي
امن أولٍ افزع اذا جيب طاريـك
ويا ويل من طالك بهرجٍ جزافـي
ومن أولٍ شايلك في الروح افديك
مسكنك وسط القلب فالنبض غافي
واليوم من قلبي فلاعدت ادانيـك
هذي الحقيقه صادق في اعترافي
رح في طريقك سهل الله خطاويك
منتب كفو للي على الدوم وافـي

راااااااااااااائع ما ابدعت اخوى واستاذى الطائر المهاجر
عن جد قصيدة فى منتهى الروعة والابداع
تسلم لنا اناملك يالغلا
ودمت ولا هنت