[الطائر المهاجر]

تبحر بي همومي الى عدة بحور = ولا ادرى متى تاصل وترسي السفينه
ربان مجدافه من الموج مكسور = والريح عاتي ما يعرف السكينه
تايه بوسط البحر لا ليل لا نور = والبوصله ضاعت بباقي سنينه
كم من عزيز القوم مغبون مقهور = وكم من ذليل الوقت علاّ جبينه
وقتٍ به الهافي بنى عز وقصور= واللي اصيلٍ ما لقى من يعينه
مالي بمثله لا ولا نيب مجبور = رزقي على من ترقب الخلق عينه
مبداي واضح مابه انصاف وكسور= شطب على وقتٍ يجيب الغبينه
مادام فيه الرأي والعقل محجور = ومن غرته دنياه تاجر بدينه
حتى غدينا بين طبلٍ وطرطور = ناكل ونمري كالشياه السمينه
اللي تحرى اللغف من ذيب مسعور= ورعيانها ناموا يسار ويمينه