غناء نديم الليل
ياهاجره طول الهجر مقدر اقواه = والشوق ناره في الحشى تصطليني
خافي من الله فالصبر وصل لاقصاه = وما عاد بي قدره فلا تقهريني
وش لك على قلبٍ تزايد به الآه = من حر ما يوجس زفر بالكنيني
ان كان مخطي حقه بكل ماجاه = وان كان شكٍ فاسمعي لليقيني
غيرك فلا والله في القلب مسطاه= وغيرك فلا لي شف في العاشقيني
فليش الجفاء والقلب بانت خفاياه = اليا متى اشكي وانتي ماتسمعيني
كان العشم قلبي يلاقي بك دواه = واثرك نويتي بالهجر تحرقيني
يمكن لقيتي حب يشريك بالجاه= وخنتي عهود الحب بينك وبيني
فان كان ذا مبداك فالقلب آطاه = نفسي عزيزه كان ما تعرفيني
فمن باعنا بالرخص بالرخص بعناه= ونشوف من يضحك بتال السنيني