[عبدالله الشويمان]

السلام عليكم ورحمة الله وبركاته..
اعزائي بمناسبة دخول العام الهجري الجديد 1428 هـ..طلع معي هذه الابيات..
عساه عام خير وبركه على الجميع..

عامٍ قضى من العمر بعد المعاشر=اقفا مثل غيره بخيره وشره
الله يغفر ما مضى فيه من شر=على العباد اللي جنوبه مغره
دخل بداله عام فيه انتباشر=يالله عسى به خير مابه مضره
تاريخٍ اسلامي مشى فيه معشر=من أمة محمد وحنا نقره
في عامنا الهجري نهلي وننشر=احلا تهانينا بقدومه مسره
الف واربع اميه فوقها كسر مخشر=ثمانيه وعشرين عامٍ نفره
يا رب لا تجعله عامٍ لنا اقشر=نبي يعم السلم فيه وممره