[الطائر المهاجر]

بوش لو حاولت تغيير المناهج والكتابه = ولو كتمت اصوات تدعو للتمسك بالفضيله
ولو تسلط كل اقمارٍ تنادي بالخيابه = ولو فتحت بكل ديره مركزٍ يرعى الرذيله
كود نتغيّر وننسى من سبقنا من صحابه = وكود نغرينا نطاوع كل الافكار الدخيله
ما حسبت حساب شهرٍ كل عامٍ كالسحابه= تسقي قلوبٍ ظمايا دونها تصبح عليله
مع اذان لله أكبر يلتقي ربع وقرابه = في صلاة وفي تهجّد بعد ساعاتٍ طويله
من صيامٍ فيه كلٍ تاركٍ ابرد شرابه = في حراره ما تقاوم لو لقى اشجارٍ ظليله
طول وقته في قراءه ما تخلى عن كتابه = يعمل لدار الخلود وما جهل مثلك دليله
عندك سلاحٍ تكشّف لو تظنّه ما يجابه = عندنا بركان كامن ما انت ياالذيخ بقبيله
ارجع لتاريخ جدّك فالزمن دوم يتشابه = لو ضحك لك يوم تبكي مثل فرعون ومثيله
لا تظنّك منتصر فالله إذا انزل عقابه = يمتحن به من تساهل كود يصحى بعد ليله
ما خسرته ضعف ما تكسب بغدرك والنهابه = كره خلق الله تضاعف وانت من يشعل فتيله
كل شعبك صار يحيا برعب حتى في ترابه = ومن بغى يسافر يخاف الخطف او قتلٍ بغيله
جهلك اللي صار واضح زاد همّك والكآبه = فالهزيمه امر واقع لو تحاول الف حيله
خاسرٍ من ظنّ يسبح والبحر يهدر عبابه = فاترك الإسلام واهله كان ما تبغى الفشيله