ليتك تشـوفين دمعـي يـوم هليتـه= بعد ماقفيـت منّـك ضايـقٍ بالـي
لوني مكانك ماكان الباب صكيته = ابكسب الأجر وارقى منزلٍ عالي
لاعاد حسناي ماتمحى اللي سويـته=اقطعها من عشرة راحت علـى الخالـي
ياما من الشين جاني منـك ماريتـه=لان طيبكم في هو الغالب علـى حالـي
حاربت اناالناس لجلك حيثهـا مقيتـه=لوهم حكو في وشافـو كـل غربالـي
ايامنى الروح منـي الحـال هديتـه=ماتتقي اللـه فينـي كودهـا اشوالـي
لالا تغلـى غلاكـم ذايــعٍ صيـتـه=كافي من اللي جرالـي منـك واحوالـي
ياليـت قلبـي يطاوعنـي وياليـتـه=ان كـان قفيـت لـو بقفَـاي عزالـي
بالعون بارميـه لوبالنـار كزيـتـه=لاكن قلبـي علـى ماريـد ماجالـي
منك السموحه اذا انااخطيت ماوحيتـه=حيث انك دمّـاح تسمحهـا ولاتبالـي
وارجي الولي حامي الكون مع بيته=ايرد جمعى الشمل حيث انـك الغالـي