[الخنساء]

المشاركة الأصلية كتبت بواسطة احمد الجريفاني

هنيت يا منهو من العقل مسلوب=ما يجرحه لومٍ ولا يبدي عتاب
ولا تشغله دنيا ولا هجر محبوب=ولا يميّز بين ربعه والاغراب
ما هو سواتي جوفه وجار مشبوب=كن الغضى في داخل الروح شبّاب
لا قيل وش بك قلت تكفير لذنوب=ذنْب الوفى عنه ابيض القلب ما تاب
حياتي اللي روحت كنت منهوب=لو قيموها ما سوت حفنة تراب
لا واحسايف عمري ان كان محسوب=ولا حصل لي منه يا كود الانشاب
انا على امري دايم الدوم مغلوب=وش عاد ينفعني لو ابديت الاسباب
ماني على سلم الرجاجيل مغصوب=طبعٍ ورثته قبل ينبت لي الناب
درب الردى صوب وانا عنه في صوب=ماني من اللي لا هرج قيل كذاب
ولاني من اللي نظرته داخل جيوب=ولا ني من اللي لا مدح ينطر حساب
المرجله ماهي عباةٍ ولا ثوب=لا من بغيته تلبسه لجل الاعجاب
المرجله قولٍ وفعلٍ وماجوب=من طالها لازم يبرهج له الباب

صح لسانك واعتلا شانك
قصيدة جزلة معبرة تترجم الحقيقة
لاهنت ايها الشاعر الجزل
سجل اعجابى بكل ابيات القصيدة

سلمت ودام حرفك