[الطائر المهاجر]

لو سألت الشط وامواج البحر = ولو سألت الصخر في شم الجبال
ولو سألت الطير واوراق الشجر = ولو سألت الريح لاهبت شمال
هل تعَرفون التميمي لو حضر = كلها تنطق نعم ... ليه السؤال؟؟
فالتميمي تعرفه بين البشر = رافع راسه ويمشي باعتدال
التميمي من بنى الأرض وعمر= قبل كل الناس في طيب الفعال
وقبل ميلاد المسيح ومن ظهر = بالنبوّه والخلايق في جدال
والتميمي من لربه انتصر = حامل روحه على كف المحال
جدد الدعوه بعصرٍ انحدر = ساد فيه الشرك ودروب الضلال
حتى انهى الليل والجهل اندحر= ودولة التوحيد قامت في اختيال
ان بغيت العلم واصحاب الفكر = وان بغيت السيف في يوم القتال
وان بغيت السلم وادركت الخطر= فالتميمي جامع لطيب الخصال
من جهل تاريخنا ياخذ حذر = لا غضبنا جاوبت شم الجبال
كم بنينا من دول عبر الدهر = لاتزل آثارها تحكي النضال
غرب وإلاّ شرق في بحر ونهر= في جنوب الأرض حتى في الشمال
الشواهد باقيه تنطق حجر = لانساها الناس تذكرها الرمال
امة تبقى ولا تخشى القدر = فخر يعرب من قديم ولا تزال