[الخنساء]

المشاركة الأصلية كتبت بواسطة الطائر المهاجر

وقف .. وقل لي هل عرفت المضــره= ياجاهلٍ باللي به الخلق يحكون
يامن تظن الشِعر ابداع خمـــره=والا حشيشه تجعل الراس موزون
لا .. لا .. توهّق واسمع اليوم فكره = لا تنخـدع بالكيف وان قيل مامون
قبلك كثير ولا انكشف يوم ستره=إلا بعد ما صار كالعبد مرهــون
لو هو عطاك الهرج في حلو سهره= تتصدر الجلسة ويسمعك مليـون
ولو صفق الجمهـور للـــه دره=ولو قربك راس يبي الشِعر مفتون
ولوّك ملكت العشق بيضه وسمره = وحتى ولو ابحرت بكنوز قارون
يأتيـك يـوم تصير للناس عبره= وينحاش منك اللي بعقلك يغنون
اهواك ، من لا ارقاك ، في قاع حفره = الجسم ظاهر لكن العقل مدفون
تطفى بعد شهره مثل أي جمـــره= وتْعيش باقي العمر بالحيل مغبون
تدفع ثمن غلطتك في كل حســره=ومن بعد منت الداين تصير مديون
يسخر بك الحاسد ويلقى المســره= واللي صديقك عايش الهم محزون
مثلك مثل من طاح وانهار قدره = صكّوا عليه شهار بالحفظ والصون
ما له عـلاجٍ وانتهى اليـوم امره = هو من حفر قبره مع اللي يحفرون
بين الجنون وبين هالعقل شعـــره=الكيف يقطعها وتنصاب بجنــون

صح لسانك مليون ولايكفون
قصيدة جزلة من شاعر مبدع
يترجم الحكمة والواقع
سلمت ودام حرفك