اسعد الله مساءكم بالخير والمسرات ابيات من دفتر الماضي اتمنى ترتقي لسموا ذائقتكم...
ليل القصيد
يا ونيسي يا رفيــق الدرب يا أصدق خــوي
يا شعوري لا بغيت أحكي واعـبر من خلاله
منك يا بحر المشـاعر كل ما جيت أرتــوي
فيك يا اللي محتويني كل أحاسيس بخــياله
لا بغيت أسج واسرح تسمع لصمتي دوي
تنفجر كل الحروف بداخلي إعـلان حــــاله
ابتدأ لــيل القصيد اللي بقــلـبي محتـوي
و ثار بركان المشاعر يوم وجداني سر آله
يا قصيدي أنــثـر إبـداعك عساها تستوي
يمكن القــلب يتسلى من عناه وضيق بآله
ودي اسولف واعبر واتهيض وارتوي
وعادة القلب يتريح لالقا انسان وحكا له
صارت هموم الليالي تلوي ذراعــي لوي
من سببها يا قصيدي شوف حالي وش جرا له
صرت أحس بصوت فيني داخل ألراس يعوي
يزهم حروف القوافي ليتها تســمع سؤاله
ويا قصيدي مابقا في دنيــتي غيرك خوي
يفهم شعوري وأترجم كل هـرجي من خلاله
بقلمي:
بشير البلوي