في زمان الفبركه لا تصدق ما تشوف = من صور باية خبر دونما تاقف عليه
كثرت اخبار الكذب من اشاعاتٍ تطوف= تشعل الفتنه فلا تنقل اللي لك عليه
ولا تظن انك فهيم بالسياسه والظروف = غيرك اشطر مالقى شي منها يبتغيه
كلها كذب وخداع لا تجرك كالخروف = ابتعد تسلم من اخبار جاهل او سفيه
لكن الثابت بأنّ العرب تُقتل بالوف = من بعضها بالعراق وغيرها مما يليه
والسبب فكرٍ عقيم ما قرا صح الحروف = حصل اللي يدفعه من فلوسه يشتريه
في صراع مذهبي قادهم حتى الحتوف= حتى لو من مذهبه البعض كفر ابيه
البعض ماكر ولو يسمعك اغلظ حلوف=تاجر بالدين همه مكاسب تحتريه
قابض للكاش من باب مايشعر بخوف= من عدو او غافلٍ شان مذهب يحتميه
واغلبيه جاهله شغلها ضرب الدفوف = انغسل تفكيرها مادرت وش يعتريه
يالثارات الحسين والدماء فوق الكتوف= كل شيعي باعتقاده النواصب قاتليه
واهل سنه كفروا كل شيعي بالوصوف= مستغيثٍ في علي مشركٍ ما نرتضيه
وهذا علماني وذا ملحد المله نكوف = وهذا ليبرالي انحلال ماهو منا ولا نبيه
كل يفتي عن جهل يامر بحمل السيوف= يقتل اللي خالفه بالفكر لوهو اخيه
انقسامٍ صار مزمن لينما شق الصفوف = والعدو واحد ولكن بعضنا يركن اليه
كان ما صرنا يدٍ واحده باحسن ظروف= كيف نصبح لا قسى الوقت وحنا ما نعيه
السماحه بديننا وكل امرٍ بمعروف= ومن يخالف امر دينه ترى الله يبتليه