[الطائر المهاجر]

اغضبي ياحروفي واصرخي بالضماير= كان باقي ضميرٍ في جمــوع العرب
كيف كنتوا وصرتوا مطمع لكل جاير= ياشيـــاه تذبّح ما تعـرف الغضب
كل وحـده تطـالع تنتظرها الدواير=تبتسم للاعــــادي تنتظر تغتصب
كان ذا دور بغــــدادٍ فهذي نذاير=ما يـوقف طمعهم انحنــاء للركب
من يظنه بمنجـا للحقيقـة يغـاير=انخـدع بالحصـاني والكـلام العجب
دام في ارض يعرب نفط يعمي البصاير=من يـلوم الحرامي لـو طمع بالذهب
ليـلة القصف صحي فاقـدين البصاير=كود تصحى الضماير عند شوف اللهب
عند حرق الطفولة ، عند هتك الحراير=عند حـرق المـدينة تشتعل كالحطب
وين دينٍ وعقلٍ يا رجـــال العشاير=ما تحسوا بذنبٍ لـو يزيــد العتب
لا تقـولوا جهلنا تعرفـون الكبــاير=كيف تلقون ربي في المقـام الصعب
كل شخصٍ يحاسب بالغدر والجـراير= وين بـوش يساعد من ببوشٍ رغب
ايه بغــداد ضحي واكشفي للستاير=تظهر أجيــالٍ اخرى تقهر اللي غلب
تنتصر للعقيـــدة عمرها ما تساير= ما تبيع الضماير لـو وطاها العطب