[عمر ال شيبي]

المشاركة الأصلية كتبت بواسطة الطائر المهاجر

يامدعي اصلاح ليتك تصلح لنفسك = لاتختفي خلف ثوب نعرفه بالي
شمس الحقيقه تعري الدجل في شمسك= وتلونك كود تكسب غافلٍ سالي
اصبحت طعمٍ لصيد الجاهل برمسك= وانته بعيد ولا تدري بالاحوالي
لو كل دقق عرف حاضرك مع امسك= شبهه بفعلك وهمك جمع الاموالي
ممن بقلبه حقد ما حصل لممسك = ما يعجبه غير حرق الدار باهوالي
يسعى فسادٍ ولو ادى لالف منسك= يستخدم الدين والإصلاح تمثالي
ان كان تبغى صلاح الناس في همسك= ابدأ بنفسك وطهرها من اوحالي
مافيه كامل سوى اللي عالمٍ بخنسك= ومن يبحث النقص يلقى النقص طوالي
في كل هالكون لو فتحت من عمسك= تلقى به الزين معه الشين في الحالي
يكفيك تغرير باللي جاهل بحمسك = مايدري انك خبيث الفعل دجالي
وفي الاخره ينتهي في الوحل من دنسك= ويضيع عمره ومثلك دالهٍ سالي
واللي معه عقل يدري وش تبي بغمسك= تبي تشعلل فتن في خبث الاقوالي
الدار حصنٍ حصين وما تبي جنسك = حنا اهلها وندري طيب الافعالي
يكفي امان ورخا واضح بلا طمسك= من عقب جوع وقتل في كل منزالي
وحده عظيمه تحدى عشرك وخمسك= قايم عليها رجالٍ تبذل الغالي
حتى غدت شمسنا تطغى على شمسك= واللي مجندك من عدوان وانذالي

الله الله

صدقت القول فاصدقك الاحساس

صح لسانك ملايين الملايين
الين انها كايفه ومستويه على نار هاديه
دمت لنا نبع العطا